Tumhare haath ka takia...

I managed to scribble this down at the back of my notebook...for my special...

Tumhare haath ka takia
Aur sukoon ki neend..

Tumhari sharaarti hasii
Aur mera jhoothi moothi mooh banaana

Tumhara mujhey daant-na
Aur mera foot-ti hasii ko dabaana

Tumhari complaints ki lambi si list
Aur mujhe tum pe aur pyaar aana

Tumhari bachchon jaisi curiosity
Aur mera maath pe haath maar ke khud ko badaa dikhaana

Tumhara gusse mein mooh fulaana
Aur mera tumhe minnatein karke manaana

Kabhi mera hi rooth jaana
Aur tumhara bahaane se mujhey hasaana

Tumhara mujhey budhdhu bataana
Aur mera tumhare saamne budhdu ban jaana

Tumhara har cheez mein mera khayaal rakhna
Aur mera phir bhi tumhe har roz sataana

Tumhara pyaar karna par na bataana
Mera iss baat par roz tumhein do baatein sunaana

Tumhara neend mein badd badaana
Mera tumhe dekh ke mann mein muskuraana

Tumhara pyaar ek dum masoom
Mera bhi hain thoda bachkaana...